Мақомоти иҷроияи ҳокимияти давлатии ноҳияи Деваштич

1 феврали соли 2016 Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарорҳои Ҳукумати Ҷумҳурии Тоҷикистонро оид ба тағйир додани номи як қатор шаҳру ноҳияҳо ва объектҳои ҷуғрофии мамлакат ба имзо расонид. Дар асоси ин қарорҳо ноҳияи Ғончӣ расман ноҳияи Деваштич номгузорӣ гардид. Қарори мазкур 3 феврали соли 2016 бо қарори Маҷлиси миллии Маҷлиси Олии Ҷумҳурии Тоҷикистон таҳти №204 тасдиқ шуд.

Ноҳияи Деваштич дорои таърихи беш аз 2500-сола буда, 5 декабри соли 1929 таъсис ёфтааст. Дар тӯли таърих сохтори маъмурии ноҳия чанд маротиба тағйир ёфта, ҳудуди имрӯзаи он тадриҷан ташаккул ёфтааст.

Ноҳия дар қисми шимолу ғарбии Ҷумҳурии Тоҷикистон ва ҷанубу ғарбии вилояти Суғд ҷойгир буда, бо ноҳияҳои Спитамен, Кӯҳистони Мастчоҳ, Айнӣ, Шаҳристон, шаҳри Истаравшан ва ноҳияи Лайлаки вилояти Боткенди Ҷумҳурии Қирғизистон ҳамсарҳад мебошад.

Масоҳати умумии ноҳия 1 588,7 км² буда, 6,3 фоизи масоҳати вилояти Суғдро ташкил медиҳад. Масофа аз маркази ноҳия то шаҳри Душанбе 280 км ва то шаҳри Хуҷанд 70 км мебошад.

Ба ҳайати ноҳияи Деваштич 1 ҷамоати шаҳрак, 7 ҷамоати деҳот ва 55 деҳаи аҳолинишин дохил мешаванд.

Суроға: 735620, Ҷумҳурии Тоҷикистон, вилояти Суғд, ноҳияи Деваштич, шаҳраки Ғончӣ, кӯчаи Исмоили Сомонӣ №20,

Телефон барои тамос: +992 34-64-2-42-75, +99234-64-2-42-44, +992 34-64-2-55-11

Факс: +992 34-64-2-55-11

Почтаи электронӣ: mihd.devastich@mail.ru