Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон

1. Агентии стандартизатсия, метрология, сертификатсия ва нозироти савдои назди Ҳукумати Ҷумҳурип Тоҷикистон (минбаъд Агентӣ) мақоми марказии ҳокимияти иҷроия буда, сиёсати давлатиро дар соҳаи стандартизатсия, метрология, сертификатсия, таъмин намудани назорати давлатӣ оид ба ҷорӣ ва риоя намудани талаботи стандартҳо ва дастурҳои техникии сифати ашёи хом, маҳсулот, таъмини ченаки ягона ва қоидаҳои савдо дар корхонаҳо, ташкилотҳо, дар соҳаи савдо, хоҷагии қишлоқ ва дигар ташкилотҳои Ҷумҳурии Тоҷикистон, новобаста аз шакли ташкилӣ - ҳуқуқӣ ва шакли моликият, амалӣ месозад (қарори Ҳукумати ҶТ аз 18.11.2015 № 674).

2. Роҳбарӣ ба фаъолияти Агентӣ аз ҷониби Ҳукумати Ҷумхурии Тоҷикистон сурат мегирад.

3. Агентӣ фаъолияти худро дар асоси Конститутсия Ҷумхурии Тоҷикистон, қарорҳои Маҷлиси миллӣ ва Маҷлиси намояндагони Маҷлиси Олии Ҷумхурии Тоҷикистон, Фармонҳои Президенти Ҷумхурии Тоҷикистон, қарорҳои Ҳукумати Ҷумхурии Тоҷикистон, санадаҳои ҳуқуқии байналилалие, ки Ҷумхурии Тоҷикистон эътироф намудааст ва Низомномаи мазкур ба роҳ мемонад.

4. Агентӣ мақоми миллӣ оид ба стандартизатсия, метрология, сертификатсия, нозироти савдо буда, фаъолияти худро дар хамкорӣ бо дигар мақомоти марказии ҳокимияти иҷроия, мақомоти иҷроиси маҳаллии хокимияти давлатӣ, ташкилотҳои ҷамъиятӣ ва дигар ташкилотҳо амалӣ месозад

Ҷумҳурии Тоҷикистон ш. Душанбе к. Н. Карабаева 42/2

Тел: (+992 37) 233-68-69

Факс: (+992 37) 233-44-99

E-mail: info@standard.tj