Муассисаи давлатии "Маркази миллии тарҷума-и назди Кумитаи забон ва истилоҳоти назди Ҳукумати Ҷумҳурии Тоҷикистон

Муассисаи давлатии «Маркази миллии тарҷума»-и назди Кумитаи забон ва истилоҳоти назди Ҳукумати Ҷумҳурии Тоҷикистон дар асоси қарори Ҳукумати Ҷумҳурии Тоҷикистон аз 13.02.2024, №58 таъсис ёфта, дорои Оиннома мебошад. Оинномаи Марказ асосҳои фаъолияти ташкилӣ, ҳуқуқӣ, иқтисодӣ, иҷтимоӣ ва дигар навъҳои фаъолияти онро муайян менамояд. Мақсади асосии фаъолияти Марказ ба таври мутамарказ таъмин намудани тарҷумаи осори арзишманди бадеӣ, фарҳангӣ, таърихӣ, илмӣ, илмӣ-оммавӣ, инчунин, санадҳои меъёрии ҳуқуқӣ, аз ҷумла, санадҳои расмии коргузорӣ ва матнҳои гуногун, маълумоти гуногунҷанба оид ба молу маҳсулот аз забони давлатӣ ба забонҳои хориҷӣ ва баръакс мебошад.

Сохтори идоракунии Марказ аз директор, муовини директор, раёсати тарҷума, раёсати экспертизаи забоншиносӣ, бахши молия ва баҳисобгирии муҳосибавӣ, бахши кадрҳо, таъминоти ҳуқуқӣ ва коргузорӣ иборат мебошад. Марказ тибқи фармоиши Ҳукумати Ҷумҳурии Тоҷикистон аз 22.11.2025, №113-ф дар ошёнаи нуҳуми бинои Комплекси табъу нашри «Шарқи озод»-и Дастгоҳи иҷроияи Президенти Ҷумҳурии Тоҷикистон бо нишонии хиёбони Саъдии Шерозӣ 16 ҷойгир карда шудааст.

Суроға: Ҷумҳурии Тоҷикистон Хиёбони Саъди Шерозӣ 16 

Тамос: 905-43-70-00 

Почтаи электронӣ: dustov.hamrokhon@mail.ru