Меню

Мақомоти иҷроияи ҳокимияти давлатии ноҳияи Темурмалик

НОҲИЯИ ТЕМУРМАЛИК (СОБИҚ СОВЕТ, ҚИЗИЛМАЗОР)

Ба номи Қаҳрамони халқи Тоҷик ТЕМУРМАЛИК соли 2004 номгузорӣ шуд.

Темурмалик дар даври худ барои ҳифз кардани Ватани худ, бар зиди лашкари муғулҳо ҷангида ва ҳато лашкари онҳоро (чингизиёнро ) шикаст ҳам додааст!

Ноҳияи маъмурӣ дар ҳайати Вилояти Хатлони Ҷумҳурии Тоҷикистон. Маркази ноҳия — шаҳраки Баҳманрӯд ( собиқ Совет).

Кишвар — Тоҷикистон

Тобеъи — Вилояти Хатлон

Шомили — 1 ҷамоати шаҳрак ва 6 ҷамоати деҳот

Маркази маъмури — Баҳманрӯд

Ноҳия аз маркази Ҷумҳурии Тоҷикистон шаҳри Душанбе бо шоҳроҳи асосӣ 206-207 километр, аз маркази маъмурии вилояти Хатлон шаҳри Бохтар 150 километр, минтақаи Кӯлоб 60 км, аз ноҳияи Восеъ 40 км, Данғара 50 км, Фархор 70 км, Балҷувон 60 км ва Ховалинг 100 километр ҷойгир мебошад.

Таърих ва Ҷуғрофия

Таърихи таъсис — 23 ноябри соли 1930

Масоҳат — 1 013 км квадратӣ

Вақти минтақави — UTC+05:00

Баланди аз сатҳи баҳр 650 -1700 метр

Ҳарорати Ҳаво

Ҳарорати миёнаи солона 16,4°с тобистон ҳарорат то 35-40°с, (баъзан 42-45°с) зимистон 5 дараҷа (солҳои қаҳратун 16-20) поин фаромада, баъзан боиси сард задани дарахтони анор, анҷир, ангур ва чормағз мегардад.

Давраи бесармоии ноҳия 300-309 рӯз аст. Рӯзҳои гармӣ аз 250 то 300 рӯз мерасад. Аксар вақт тундбодҳои "Хокбориши афғонӣ" дар фасли баҳор, тобистон, тирамоҳ вомехӯрад.

Боришоти солона дар доманкуҳҳо 600-800 мм, дар пастиҳо (тадашт) ба 200 то 400 мм баробар мешавад.

Аксар фасли баҳор дар ноҳия селбориш омада боронҳои сел киштзорҳоро шӯста меравад. Аз ин эрозияи замин вайрон шуда, дар дашту даман заминҳои кишт ғорҳо ва чуқуриҳои калон ба масофаи то 2-3 киломтр ба амал меояд. Ноҳия аслан дар селроҳа мавқеъ дорад. Номи куҳнаи ноҳия низ Селроҳа, Сайкалон, Селаконро аз ин маъни гирифтааст.

Ҷойгоҳ

Ноҳия аз ҷиҳати марзӣ ба ноҳияҳои Восеъ, Кӯлоб, Балҷувон, Ховалинг, Данғара аз тарафи даштҳои Олимтой таввассути қишлоқи Тошбулоқ ба Фархор хатти сарҳад дорад.

Ҷамоатҳо

1.Шаҳраки Баҳманрӯд (Совет)

2.Саидмуъмин Раҳимов (Ватан)

3.Танобчӣ

4.Кангурт

5.Ҳусайнобод (Қарақамиш)

6.Чилчаҳ (Бобоюнус)

7.Кушктеппа (Кушқия)

Шумораи деҳаҳо 70 деҳа

-маҳалла 11 маҳалла дар шаҳрак

-куча 27 куча дар шаҳрак

Маориф

- 55 муассисаҳои таълимӣ,

-аз ҷумла 1 гимназия, 5 муассисаи томактабӣ, 1 таҳсилоти иловагӣ, 1 маркзи рушди истеъдодҳо, 1 маркази технологияи иттилоотӣ,1 мактаб интернати Кангурт, 1 интернати наздимактабии Танобчӣ ва 36 муассисаҳои таҳсилоти миёнаи умумӣ.

- шумораи хонандагон 15387 (7354 нафар духтарон)

- шумораи омӯзгорон1005 нафар (481 нафар занон)

Тандурустӣ

- 1 Беморхонаи марказӣ (10 шуъбаи бистарикунонӣ 155 кат)

- шумораи катҳо 420 дар ноҳия

- 2 Беморхона дар ҷамоати Кангурт 50 кат ва Саидмуъмин Раҳимов 25 кат.

- шумораи духтурон 61 маълумоти олӣ, 395 кормандони миёнаи тиб

- 1 КАТС (Маркази саломатии марказӣ)

- 10 Марказҳои саломати дар ҷамоатҳои деҳот

- 29 Бунгоҳҳои тиббӣ

- 1 шуъбаи бемориҳои сироятӣ,

- 1 шуъбаи бемориҳои Сил ва 6 шуъбаи дигар

- 1 маркази пешгирии ВНМО

- 1 Маркази давлатии назоратии санитарию эпидемиологӣ.

- 1 Маркази Эмгузаронӣ (Иммунопрофилактика)

- 1 Маркази ташаккули тарзи ҳаёти солим

Нафақа

- шумораи нафақахӯрон 6377 нафар

- 1509 нафар нафақаи сину солӣ (8 нафар барои хизматҳои дарозмуддат, 8 нафар аҳамияти ҷумҳуриявӣ, 2372 нафар нафақаи сину сол суғуртавӣ, 1446 нафар аз руи намуди маъюбӣ, 547 нафар бесаробонмонда, 326 нафар аз руи нафақаи иҷтимоӣ)

Суроға:	Чумҳурии Тоҷикистон, вилояти Хатлон, ноҳияи Темурмалик, ҷамоати шаҳраки Баҳманруд
Телефон:	8331421233
Почтаи электронӣ	umumi.temurmalik@khatlon.tj kadrho.temurmalik@khatlon.tj