Кумитаи телевизион ва радиои назди Ҳукумати Ҷумҳурии Тоҷикистон

Кумитаи телевизион ва радиои назди Ҳукумати Ҷумҳурии Тоҷикистон мақоми иҷроияи марказии ҳокимияти давлатӣ буда, татбиқи сиёсати ягонаи давлатӣ дар соҳаи телевизион ва радио, ҳамоҳангсозии фаъолияти пахш, танзими меъёрии ҳуқуқӣ ва рушди инфрасохтори соҳаи телевизион ва радиошунавониро дар кишвар таъмин менамояд.

Кумита ҳамчун яке аз сохторҳои марказии Ҳукумати Ҷумҳурии Тоҷикистон самтҳои асосии сиёсати давлатӣ дар соҳаи телевизион ва радиоиро таҳия ва амалӣ намуда, барои баланд бардоштани сифати барномаҳои телевизионӣ ва радиоӣ, рушди фазои иттилоотии давлатӣ, такмили заминаи моддию техникии соҳа ва мутобиқсозии фаъолияти соҳа ба стандартҳои муосири байналмилалӣ чораҳои зарурӣ меандешад.

Лоиҳаҳои санадҳои меъёрии ҳуқуқии танзимкунандаи фаъолияти телевизион ва радио – аз ҷумла лоиҳаҳои қонунҳо, қарорҳои Ҳукумати Ҷумҳурии Тоҷикистон – аз ҷониби Кумита таҳия ва пешниҳод мегарданд. Ҳамчунин Кумита тартиби истифодаи шабакаҳои пахш, иҷозатномадиҳиро ба фаъолияти телевизион ва радио, назорати иҷрои талаботи иҷозатнома, аттестатсия ва бозомӯзии кадрҳои соҳавиро амалӣ менамояд.

Кумита ҳамчун мақоми ҳамоҳангсоз ва танзимкунандаи соҳаи телевизион ва радио дар кишвар фаъолияти тамоми шабакаҳои телевизионӣ ва радиоиро, новобаста аз шакли моликият, ҳамоҳанг намуда, риояи талаботи қонунгузорӣ, сифати пахш, мазмун ва самтҳои рушди барномаҳои радиоиву телевизиониро назорат мебарад.

Кумита инчунин масъули ташкили низоми ягонаи иттилоотии соҳа, нигоҳдории барномаҳои дорои арзиши миллӣ, таърихӣ ва фарҳангӣ, гузаронидани озмунҳо, фестивалҳо ва дигар чорабиниҳои соҳавӣ буда, рушди инфрасохтори техникию истеҳсолии соҳаи телевизион ва радио, ҳамкории байналмилалӣ ва ҷалби мутахассисони баландихтисосро таъмин менамояд.

Кумитаи телевизион ва радио, ҳамчун мақоми давлатӣ нисбат ба муассисаҳои тобеи худ, ба тартиби муқарраргардида идоракунии молу мулки давлатӣ, маблағгузории хароҷотҳои соҳавӣ ва ҳавасмандгардонии кормандонро дар доираи меъёрҳои қонунгузории Ҷумҳурии Тоҷикистон амалӣ менамояд.

Суроға:  734025, Ҷумҳурии Тоҷикистон, шаҳри Душанбе, кӯчаи Шероз 31.

Тамос: +992 37 227749    +992 37 227601    +992 37 2216441

Почтаи электронӣ: info@ktr.tj