Мақомоти иҷроияи ҳокимияти давлатии ноҳияи Исмоили Сомонии шаҳри Душанбе

Маълумот дар бораи мақомоти иҷроияи ҳокимияти давлатии ноҳияи Исмоили Сомонии шаҳри Душанбе.

Ноҳияи Исмоили Сомонӣ маркази сиёсӣ фарҳангӣ, илмӣ, ва саноатии поётахт маҳсуб ёфта, сокинон боифтихор онҷо қалби Душанбе ном мебаранд. Бо ташкил шудани Республикаи автономии советии сотсиалистии Тоҷикистон ва мақоми пойтахтро гирифтани шаҳри Душанбе аввалин биноҳои маъмурӣ, истиқоматӣ, саноатӣ, илмию фарҳангӣ ва тандурустӣ дар Душанбе маҳз дар ҳудуди имрӯзаи ноҳияи Исмоили Сомонӣ бунёд гардида буданд. Мақомоти иҷроияи ҳокимияти давлатии ноҳияи Исмоили Сомонии шаҳри Душанбе соли 1939 бо номи ноҳияи Душанбе шаҳри Сталинобод таъсис дода шуда, соли 1963 номи Октябрро гирифта, соли 2001 бо Қарори Маҷлиси миллии Маҷлиси Олии Ҷумҳурии Тоҷикистон таҳти №192 ноҳия Исмоили С омонӣ номгузорӣ гардидааст.

Масоҳати ноҳияи И. Сомонӣ 3759,0 га-ро ташкил дода, бо ноҳияҳои Сино, Шоҳмансур, Рӯдакӣ ва Варзоб ҳамсарҳад мебошад. Дар ҳудуди ноҳия 25 маҳалла, 5 Корхонаи Воҳиди Давлатии “Манзилхизматрасон” ва 2 Ширкати соҳибмулкони манзил, дар умум шумораашон 32 адад буда, дар он 3 адад хиёбонҳо: И. Сомонӣ, Рӯдакӣ ва Ҳ. Шерозӣ, 145 адад кӯча ва гузаргоҳҳо ба қайд гирифта шудааст.

Суроға: 734025, шаҳри Душанбе, кӯчаи Шоҳтемур, 29
Телефон: (+992 37) 28-00; 227-42-56; 221-06-34; 221-53-87
Почтаи электронӣ: somoni.tj-01@mail.ru